سحر التعطيل والتفريق الخفي
رقية تعطيل الزواج
في بعض الأحيان يكون العارض متخفي يعني البنت ما بتعاني من أي أعراض..
ولما يتقدم ليها عريس تظهر الأعراض..
ودا ما بلاحظ ليهو معظم المصابين.
يجي العريس ويهرب أو البنت ترفض بدون سبب أو تصيبها بعض الأعراض خاصة إذا تم الاتفاق على تفاصيل الزواج..
تزهج وتغضب وتبكي ويحصل ضيق في النفس وترفض فجأة بدون سبب واضح وبعد يتم الرفض ترجع طبيعية.
الشخص المتقدم ليها برضو -بعد النظرة الشرعية- يصاب بضيق وقلق..
وقبل النوم يسمع صوت يقول ليهو : انت مرفوض..
أو في المنام العارض يظهر بصورة البنت الإتقدم ليها وتخنق فيهو في المنام ويرسل ليها مسج "انا ما مرتاح بقت تجيني كوابيس وصوت يقول ليك انت مرفوض وما بخليك تتزوج البنت دي".
رقية التفريق الخفي للمرأة المتزوجة
لما يكون زوجها بعيد عنها أو خارج البيت تكون حالتها النفسية والصحية ممتازة .
ولما يدخل الزوج البيت تظهر الأعراض..
زهج وكره ونفور وقلق وتوتر وكل ما يتكلم معاها كلام لطيف تنفعل وتضايق وعايزاهو يخرج من البيت وما يرجع .
ويخرج من البيت وتاني بعد عدد من الأيام عايزاهو يرجع البيت .
زي الحالات دي لازم التدقيق في التشخيص
والرقية تكون للزوجين لأنو عارض التفريق "إذا السحر للزوج يؤثر على الزوجين وإذا للزوجة يؤثر برضو على الزوجين"..
يعني ما تقولي ليهو : طلقني لأنك مصاب بالسحر وتعبت معاك ..
لأنو إذا طلقك لسه التعطيل مؤثر عليكم الإتنين .
وما تقول ليها : ح أطلقك لأنك مصابة بالسحر وتعبت معاك ..
لأنو إذا طلقتها لسه التعطيل مؤثر عليكم الإتنين .
لأن السحر يكون مشترك .
وزي ما وضحت سابقاً..
الحل في التدقيق في التشخيص عشان يتم استئصال عارض الإصابة من خلال جلسات الرقية الشرعية ..
وبإذن الله يحصل كل خير .